საქართველოს პენცენტრი და მწერალთა სახლი წარმოგიდგენთ:
ინჟინერი, მუსიკოსი, ჟურნალისტი – ამ სამი სფეროს წარმომადგენელი სამი ახალგაზრდა ფემინისტი ქალი, რომლებიც ყირგიზეთსა და ცენტრალურ აზიაში საკუთარი მიღწევებით პოპულარულები გახდნენ, 15 ნოემბერს 16 საათზე, თბილისში, მწერალთა სახლში შეხვდებიან აუდიტორიას და ისაუბრებენ გამოხატვის თავისუფლებაზე, ქალთა უფლებებზე და ქართულ რეალობასთან მსგავსება-განსხვავებაზე.
ზერე ასილბეკი 19 წლის ყირგიზი მომღერალია, რომელმაც ქალების უფლებებზე შექმნილი საკუთარი სიმღერის გამო ყირგიზეთში სასიკვდილო მუქარებიც კი მიიღო. მისი სიმღერა “Kyz” („გოგო“) ერთგვარი ფემინისტური მანიფესტია. სიმღერამ ადგილობრივი კულტურისთვის თამამი ვიზუალით და ტექსტით – სადაც ის ქალების თავისუფლებაზე საუბრობს, მისსა და მეზობელ ქვეყნებში ვნებათაღელვა და აზრთა სხვადასხვაობა გამოიწვია. ასილბეკს „შუა აზიის ფემინიზმის გმირიც“ უწოდეს.
